Yanvarının 6-dan, yəni sabahdan Azərbaycanın orta məktəblərinin şagirdləri qış tətilini başa vurub məktəbə qayıdacaqlar. Lent.az-ın məlumatına görə, bu barədə Bakı Şəhəri üzrə Təhsil İdarəsinin (BŞTİ) ictimaiyyətlə əlaqələr sektorunun müdiri Zəminə Əliqızı bildirib: “Məktəblilərin Yeni il bayramı ilə üst-üstə düşən 7 günlük qış tətili bu gün bitir. Tətil dekabrın 30-dan başlayıb”.

Z. Əliqızı deyib ki, Bakının orta məktəblərində bütün istiqamətlər üzrə jurnalistlərlə birgə aparılan reydlər davam edir və BŞTİ-nin müdiri Nailə Rzaquliyeva da əvvəlcədən xəbərdarlıq etmədən orta məktəblərə baxışlar keçirir.